У гэтую нядзелю асаблівым чынам маліліся за ўсіх, хто вучыць і вучыцца. А таксама за ўсіх бацькоў, бо менавіта яны (як адзначыў а. Канстанцін у звароце да вернікаў) з'яўляюцца першымі настаўнікамі для сваіх дзяцей.
Сабраныя вакол алтара Езуса Хрыста, мы хочам святкаваць Яго перамогу і ўдзельнічаць у Яго цярпенні на крыжы, якое дае нам жыццё і збаўленне. Для хрысціяніна няма іншага шляху, як ісці за Хрыстом, які выратаваў нас праз сваю смерць і ўваскрасенне. Няхай наша прысутнасць у Эўхарыстыі будзе выказваннем таго, што мы ідзём за Хрыстом і хочам удзельнічаць у Яго перамозе.