Турнір адбываўся ў дзвюх катэгорыях: старэйшая і малодшая. Пасля доўгай і напружанай барацьбы вызначыліся пераможцы. Сярод малодшых першае месца занялі міністранты з парафіі Беззаганага Зачацця НМП з Мінска, другое месца дасталося камандзе з Жодзіна, а трэцяе – міністрантам з Барысава. У катэгорыі старэйшых змагалася ажно чатыры каманды. Вынік атрымаўся наступны: 1 месца – Барысаў, 2 – Мінск, 3 – Жодзіна і 4 – Друя. Трэба адзначыць, што хлопцы не толькі паказалі добры футбол, але і пакінулі пасля сябе добрае ўражанне. Прадстаўнікі жодзінскай школы № 8, у якой адбываўся турнір, з радасцю запрасілі міністрантаў яшчэ прыехаць сюды на наступныя турніры.